ســـــلآآآمــ ..
بــدووون مــقدمات ,’؛.
هذي وحــده عــينها قـويه تــناظــر وآحد ..
وطــلع شــاعر وتــوهقت
<< الـظاهر هـو اللي توهـق !!
ومــابي اطــول حـكي خــلكـم مع الابيــات ..
كل شبر بــهالوســـعيـه مـلـك ربـي تعلـــميـن
وأعلم إن اللي خلقني هو خلق لـك هالعيـون
لكن انتي من جلستي وانتـي فينـي تحــدقيـن
كن ما به ناس غيري بهالكراسـي يجلسـون
لو سمحتي عاد أسمعي وحتى لو ما تسمحيـن
المـــهـم اللـي بقولـه تسـمعينـه و يســـمعـون
ع الأقل ليا نظــرتك سـوي روحـك تستحيــــن
غضي طرفك مثل غيرك خوف ربعي يلمحون
الركادة عاد زينة والحياء فـي البنــت زيـــن
وفيـك جــآزم لا ركــادة ولا حــيـاءٍ يـذكـرون
تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون
وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
وإن كان قصدك شي ثاني عـاد قولي وش تبيــن
خايف إنا نصير فرجة وإللي ماشتروا يتفرجـون
وإذا ببالك عاجبتنـي لا يحـوشـك تحلمـــيـن
صح ربعي من جمالك فيـك صـار يمدحـون
بس وش لي في حلاتك دام فيهـا ترخصيـن
حشمة البنـت وحيـاهـا والكرامـة يلــفتـون
ولو توفر فـيك هـذا مـع حــلاتـك تبشريـن
ما هو أنا ألف غيري بـاب بيتـك يطرقـون
وش علامك رغم كل اللي أقولـه وتسكتــيـن
مو طبيعي هالسكوت وهالبـرود وهالسكـون
إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون
آه يــاني منــه مشهـد يـــوم شفـتـك ترحــليـن
جيت اشوف عيون ربعي لقيت الكـل يدمعـون
قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافــ وبيـن نــون
وكل أبونا نخـتلف مع إننا مـن أصـــل طيـن
سبحان يلي مصورنا ولله في خلقـه شـؤون
يعـني حنا كل أبونا عـاد إسمنـا بن ادميـن
وليا قضى ربك أمر وقـال لـه كـن فيكـون
فينــــا يلـي رازقـــه خـــيـــر رب العالمـيـن
وفينا يلي هو لعطفه بحاجة القلـب الحنـون
وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يــفـــقـهـون
بس قليل عـــاد فــينـا للنعـم هــــم شـــاكريـن
والله يرزق هالخلايق من حيث هم لا يعلمون
وتـدري عــاد يالكــفيفة حنا تراى متشابــــهيـن
وإن ماانعمت أبصارنا قلوبنا هـم إللي يعتمـون
يالكفيفة يالعــفيفـة إن قلـت آسـف تقـــبليـن؟؟
يغفر الله ذنوب عبده ليا خطا وهـل تغفـرون؟؟
شـــرآيـــكــمــ ؟؟
تــحزن شـوي صح ؟!
